FUNDAMAR REINVIDICA A FORZA FEMININA DO MAR POLO DÍA INTERNACIONAL DA MULLER

A  Fundación para la Pesca y el Marisqueo —  FUNDAMAR, con motivo do  Día Internacional da Muller, presentou este luns, 7 de marzo de 2022,  o mural “a  forza  feminina  do mar” no marco do programa #fiandoredes da Deputación Pontevedra.

O acto, celebrado na recentemente estreada Nave de  Reder@s de Vigo (que proximamente será inaugurada de maneira oficial), contou coa participación da presidenta provincial Carmela Silva, a deputada provincial de Turismo Ana Laura Iglesias e Javier Touza, presidente de  FUNDAMAR. Tamén houbo representantes do Instituto Marítimo-Pesqueiro de Vigo, da Axencia Europea de Control da Pesca e de UGT e CCOO –membros do padroado de  FUNDAMAR–.

O mural, realizado pola artista Lara Torres, mostra a dúas mulleres suxeitando un barco como base esencial do esforzo feminino dentro da comunidade pesqueira e mostra do patrimonio inmaterial, esencial para a comprensión do que é o sector actualmente.